“Turqia, një prej vendeve që ka siguruar më shumë ndihma për aleatët në pandeminë COVID-19”

Sekretari i Përgjithshëm i NATO-s, Jens Stoltenberg, tha se Turqia është një prej vendeve që ka siguruar më shumë ndihma për aleatët në pandeminë e koronavirusit të ri (COVID-19).

Në një deklaratë për gazetën Frankfurter Allgemeine Zeitung, Stoltenberg foli duke shprehur lavdërime për ndihmat që Turqia ka kryer për vendet aleate në luftën kundër COVID-19.

“Turqia është një prej vendeve që ka siguruar më shumë ndihma për aleatët e saj. Avioni që dërgoi pajisje mjekësore dhe për mbrojtjen individuale nga Turqia në Britani, përdori për herë të parë numrin e fluturimit tek të NATO-s. Këtë mekanizëm e zhvilluam me Organizatën Evropiane për sigurinë e navigacionit Ajror (Eurocontrol) dhe kjo u provua për herë të parë”.

Ndihmë është dërguar edhe për Maqedoninë e Veriut e cila u anëtarësua vetëm dy javë më parë në NATO, deklaroi Stoltenberg, duke theksuar se në këtë kuptim data e anëtarësimit në aleancë nuk është e rëndësishme.

“Nuk ka asnjë ndryshim nëse një vend është anëtarësuar në vitin 1949 apo para dy javësh në NATO. Maqedonia e Veriut ka marrë ndihmë nga Turqia, Holanda, Çekia, Hungaria, Norvegjia dhe SHBA-ja. Kjo sigurisht që nuk është mirë vetëm për Maqedoninë e Veriut por edhe për të gjithë anëtarët e aleancës, sepse virusi nuk shikon kufij. Për këtë arsye duhet të luftojmë së bashku kundër këtij kërcënimi”, vlerësoi Stoltenberg.

- ISLAMSHOP.CH -spot_img

LEXO MË SHUMË

Së fundi