Forcat turke dhe ruse realizuan patrullimin e dymbëdhjetë të përbashkët tokësor në autostradën M4 në Idlib të Sirisë, njoftoi Ministria e Mbrojtjes e Turqisë.
Në një deklaratë nga llogaria në Twitter e ministrisë thuhet se “Në kuadrin e marrëveshjes mes Turqisë dhe Federatës Ruse, në autostradën M4 në Idlib me pjesëmarrjen e elementeve tokësore dhe ajrore u zhvillua patrullimi i dymbëdhjetë i përbashkët tokësor turko-rus”.
Turqia dhe Rusia ranë dakord për një protokoll i cili kërkon nga palët të “ndalojnë të gjitha veprimet ushtarake përgjatë vijës së kontaktit në zonën e deeskalimit të Idlib duke filluar nga 6 marsi i vitit 2020”.
