11.5 C
Tirana

Tentativë për djegie të një shkolle islame në Holandë

Më datë:

Një shkollë e mesme në Amsterdam që ofron arsim islam ka qenë objektivi i një përpjekje për t’i vënë zjarrin.

Soner Atasoy, drejtori i shkollës së mesme Cornelius Haga, e cila funksionon pranë Fondacionit për Edukimin Islamik në Amsterdam (AIEV), konfirmoi se disa presona u përpoqën t’i vinin zjarrin këtij institucioni arsimor të dielën natën.

Sipas tij, këtë e kanë vërejtur nxënësit që u kthyen në shkollë pas pushimeve. Atasoy shpjegoi se kjo nuk ishte një situatë e mirë për prindërit apo fëmijët, por se nuk kishin frikë nga askush.

“Kur mbërritëm në shkollë në mëngjes, vumë re se dritaret e klasës ishin thyer me tulla dhe se kishte një material të djegshëm të derdhur në karrigen e profesorit. Në oborrin e shkollës, në mesin e dritareve të thyera, gjetëm gaz. Një person i paidentifikuar u përpoq të ndizte shkollën”, tha Atasoy.

Ai konsideron se sulmi ka ndodhur sepse Ministria e Arsimit dhe bashkia në opinion e quajnë shkollën terroriste.

Megjithë paralajmërimet, sipas Atasoy, në shkollë nuk u ndërmorën masat e nevojshme të sigurisë.

Sipas tij, pas propagandës disa mujore nga shteti dhe bashkia, një sulm i tillë ishte i pritur nga të gjithë. Hetimet rreth kësaj ngjarje janë në vazhdim.

Shkollat islame të lidhura me Ministrinë e Arsimit kanë të njëjtën kurrikulë dhe program si shkollat e tjera.

Fondacioni për Edukim Islam në Amsterdam parashtroi kërkesë për hapjen e një shkolle të mesme islame në kryeqytetin e Holandës që në 2011, por autoritetet përkatëse nuk dhanë leje për një gjë të tillë. Miratimi për hapjen e gjimnazit Cornelius Hagë u dha në gusht të vitit 2017.

Shkolla filloi me punë në vitin 2019, kurse Agjencia e Inteligjencës dhe Sigurisë e Holandës (AIVD) konsideron se profesorët e shkollës dyshohet se janë të lidhur me organizata terroriste.

Shpërndarje

spot_imgspot_img

Më të fundit

Më shumë si kjo
Të ngjashme

Makina merr para turmën në Mynih

28 persona kanë mbetur të plagosur pasi një makinë...

Gjykatësi ‘i hap rrugën’ planit të Trump për reduktimin e punonjësve federalë

Një gjykatës federal i hapi udhë të mërkurën planeve...

Flamur Nokën nuk e mbajnë nervat, “turret” drejt Ballës! Ndërpritet seanca

Gjatë seancës parlamentare këtë të enjte janë shënuar tensione...

Rama: Morëm letër nga BE për çeljen e negociatave për grupkapitullin 3

Shumë shpejt, çelja e grupkapitullit të 3 të negociatave...