Shumica e mercenarëve janë larguar nga qyteti libian Bani Walid

Më shumë se 90 për qind e mercenarëve nga grupi Wagner i Rusisë, të cilët mbështesin komandantin renegat në Libi, Khalifa Haftar, kanë braktisur qytetin Bani Walid nëpërmjet një autokolone të madhe, tha të martën kryetari i këtij qyteti, Salem Alaywan.

Alaywan i tha një kanali televiziv lokal se ata drejtoheshin drejt jugut.

Në fillim të këtij viti, presidenti turk Recep Tayyip Erdoğan tha se më shumë se 2.000 mercenarë të grupit Wagner luftojnë në vendin e shkatërruar nga lufta.

Pas rrëzimit të sundimtarit të ndjerë Muammar Gaddafi në vitin 2011, qeveria e Libisë u themelua në vitin 2015 nën një marrëveshje politike të udhëhequr nga OKB-ja.

Qeveria, e cila është rrethuar nga forcat e Haftarit që nga prilli i vitit 2019, nisi operacionin “Stuhia e Paqes” më 26 mars për të kundërshtuar sulmet ndaj kryeqytetit Tripoli dhe pjesëve të tjera në veriperëndim të vendit.

- ISLAMSHOP.CH -spot_img

LEXO MË SHUMË

Së fundi