Një shpërthim ka ndodhur në një bankomat në qytetin e Krujës rreth orës 02:45 të mëngjesit të sotëm.
Sipas policisë, shpërthimi ka ndodhur në zonën e kalasë në një bankomat të një banke të nivelit të dytë.
Nga ngjarja ka vetëm dëme materiale dhe asnjë person të lënduar.
Policia nuk e ka përcaktuar ende nëse shpërthimi është bërë me lëndë plasëse apo lëndë piroteknike.
Grupi hetimor është duke punuar për të zbardhur ngjarjen.
Njoftimi paraprak i policisë:
Më datë 12.11.2024, rreth orës 02:45, pranë një bankomati në afërsi të Kalasë (në rrugë), është dëgjuar një shpërthim, i ngjashëm me lëndët plasëse ose lëndët piroteknike dhe si pasojë ka vetëm dëme materiale.
Grupi hetimor po punon për sqarimin e rrethanave të ngjarjes.
