A ishte Christopher Columbus me të vërtetë nga Genova e Italisë? Apo siç thonë disa teori të tjera, ishte portugez, kroat apo polak?
Një përgjigje përfundimtare për pyetjen se ku lindi eksploruesi i famshëm mund të jetë vetëm pesë muaj larg pasi shkencëtarët po analizojnë ADN-në nga eshtrat e tij.
Njohuritë për jetën e hershme të njeriut që zbuloi Amerikën janë të pakta.
Një përparim i madh në krijimin e një profili më të plotë të njeriut që vdiq 515 vjet më parë erdhi pasi testet e ADN-së në 2003 vërtetuan se kockat brenda një varri në katedralen e Seviljes ishin të Columbus.
Columbus vdiq në Valladolid në Spanjë në 1506, por dëshironte të varroset në ishullin Hispaniola, i cili sot ndahet nga Republika Dominikane dhe Haiti.
Eshtrat e tij u dërguan atje në 1542, pastaj u zhvendosën në Kubë në 1795 dhe më pas në Sevilje në 1898.
