Kryeministri Edi Rama ka marrë sot pjesë në “Natën e nderit” në Jeruzalem.
Në fjalën e tij Rama përmendi rastet kur hebrenjtë janë mbrojtur nga shqiptarët, madje ka shtuar se çdo qytetar, që nga mbreti e deri tek bariu i thjeshtë, kanë bërë gjithçka kanë mundur në ndihmë të tyre.
Ai shtoi se Shqipëria ka miratuar në atë kohë të vetmin ligj me diskriminim pozitiv në Europë në ndihmë të tyre.
“Jemi në këtë darkë bujare, mes kaq shumë miqsh hebrenj.
Vetëm një psalm mund të na ndihmojë: Shih sa mirë është kur vëllezërit bashkohen bashkë.
Ajo që na bashkon si vëllezër është gjithçka veçse një ëndërr. Fakt i njohur që Shqipëria ishte mike e hebrenjve në kohë e tyre më të keqe.
Është kjo kjo që na lidh në mënyrë të pakundërshtueshme. Nga 1932 deri në 1945 Shqipëria mbajti komunitetin hebraik duke ndëshkuar këdo që tentoi të shkelte të drejtat. ka një fakt të panjohur nga hebrenjtë që Shqipëria e asaj kohe miratoi të vetmin ligj me diskriminim pozitiv më atë kohë në Europë.
Nga rrëfimet, nga mbreti tek bariu kanë bërë gjithçka për të ndihmuar hebrenjtë. Jemi krijuar për vepra të mëdha që mund të na bëjnë të denjë për njëri-tjetrin”, tha ai.
