Republika e Kosova ka miratuar pako me sanksione të reja kundër Rusisë për shkak të luftës në Ukrainë.
Në mbledhjen e kabinetit qeveritar në Kosovë, të premten në mëngjes, Qeveria miratoi katër pakot me sanksionet e fundit të Bashkimit Evropian (BE), kundër Moskës.
Konkretisht, Qeveria në detyrë i miratoi pakot 15, 16, 17 dhe 18 të sanksioneve të BE-së ndaj Rusisë.
Ministri në detyrë i Punëve të Brendshme, Xhelal Sveçla, tha se vendimi vjen si pjesë e angazhimit të Kosovës për të mbështetur Ukrainën dhe për të harmonizuar politikat me partnerët ndërkombëtarë.
“Miratimi i këtyre vendimeve nga ana e Qeverisë, do të kontribuojë në forcimin e bashkëpunimit të ngushtë me BE-në dhe partnerë të tjerë strategjikë, përfshirë Shtetet e Bashkuara”, tha Sveçla gjatë prezantimit të masave.
Sveçla e bëri kërkesën në emër të Ministrisë së Punëve të Jashtme dhe Diasporës, në mungesë të ministres në detyrë, Donika Gërvalla, e cili ndodhet jashtë vendit.
Më 16 dhjetor 2024 Këshilli i BE-së miratoi pakon e 15 të sanksioneve ndaj Federatës Ruse. Kjo pako përfshin masa kufizuese ekonomike dhe individuale me qëllim të kufizimit e mëtejmë të aftësisë së Rusisë për të zhvilluar luftën e saj.
Kosova u rreshtua menjëherë përkrah Perëndimit, duke i vënë sanksione Rusisë për luftën e nisur më 2022 në Ukrainë.
