“Putini po përpiqet të shkatërrojë Ukrainën”/ Ministrat e BE-së bien dakord të përgatisin “masa të reja kufizuese” kundër Rusisë

Ministrat e Jashtëm të Bashkimit Evropian ranë dakord në Nju Jork për të shtyrë përpara një raund të ri sanksionesh kundër Rusisë, u tha gazetarëve të mërkurën vonë në mbrëmje shefi i politikës së jashtme të BE-së, Josep Borrell.

“Ne do të vazhdojmë dhe do të rrisim mbështetjen tonë ushtarake, do të vazhdojmë të ofrojmë armë për Ukrainën dhe do të studiojmë, do të miratojmë masa të reja kufizuese, personale dhe sektoriale”, tha Borrell.

Detajet e sakta për këto sanksione të reja duhet të përcaktohen ende, tha ai. Marrëveshja e arritur në Nju Jork, për të cilën ai tha se ishte unanime, ishte një marrëveshje “politike”.

“Disa orë pas fjalimit të Putinit, ishte një çështje për të dërguar një mesazh të fuqishëm politik,” tha ai. “Ata nuk do të lëkundin vendosmërinë tonë. Ata nuk do të lëkundin vendosmërinë tonë, unitetin tonë, për të qëndruar pranë Ukrainës”.
Ai tha se kishte besim se “marrëveshja unanime” do të ishte e mundur për paketën e re të sanksioneve.

“Është e qartë se Putini po përpiqet të shkatërrojë Ukrainën,” tha ai.

“Në përputhje me Kartën e Kombeve të Bashkuara dhe ligjin ndërkombëtar, Ukraina po ushtron të drejtën e saj legjitime për t’u mbrojtur kundër agresionit rus, për të rimarrë kontrollin e plotë të territorit të saj dhe ka të drejtë të çlirojë territoret e pushtuara brenda kufijve të saj të njohur ndërkombëtarisht. Dhe për këtë, ne do të vazhdojmë të mbështesim përpjekjet e Ukrainës, sigurimin e pajisjeve ushtarake, për aq kohë sa të duhet.”

- ISLAMSHOP.CH -spot_img

LEXO MË SHUMË

Së fundi