Operatori i Sistemit të Shpërndarjes (OSSH) bën të ditur se për shkak të një defekti në transformatorin e nënstacionit “Shkodra 2”, sot në ora 11:30, ka marrë flakë transformatori.
Për arsye sigurie, OSSH Shkodër ka stakuar energjinë në disa nënstacione.
Sipas OSSH-së, pa energji elektrike kanë mbetur disa lagje të qytetit Shkodër, zona e Velipojës dhe disa fshatra.
“Po merren të gjitha masat për furnizim të energjisë elektrike përmes skemës alternative, me linja të tjera unazore, ndërsa në terren grupet e avarisë vijojnë punën për eliminimin e defektit dhe rikthimin e energjisë elektrike sa më shpejt në të gjitha zonat e prekura nga defekti”, bën të ditur OSSH.
