Presidentja e Kosovës, Vjosa Osmani dhe sekretari i përgjithshëm i NATO-s, Mark Rutte kanë diskutuar për situatën e sigurisë në Kosovë, si dhe rolin e kontributin e KFOR-it për paqe e siguri në vendin tonë.
Osmani u takua me Sekretarin e Përgjithshëm të NATO-s, Mark Rutte në Budapest, ku u mbajt samiti i Komunitetit Politik Europian.
Përmes një postimi në Facebook, Osmani shkruan se ata diskutuan për situatën e sigurisë në Kosovë.
“Diskutime të vazhdueshme me Sekretarin e Përgjithshëm të NATO-s, Mark Rutte, për situatën e sigurisë në Kosovë, si dhe rolin e kontributin e KFOR-it për paqe e siguri në vendin tonë”, ka shkruar Osmani.
