Nvidia planifikon të investojë deri në 100 miliardë dollarë në OpenAI në këmbim të aksioneve të mëdha në kompani.
Marrëveshja i jep para OpenAI dhe aksesin për të blerë çipet e avancuara që janë kyçe për të ruajtur dominancën, raporton Sky News.
Sipas planeve, Nvidia do të blejë aksione pa fuqi votimi në OpenAI gjatë këtij viti.
“Infrastruktura kompjuterike do të jetë baza e ekonomisë të së ardhmes dhe ne do të përdorim çfarë po ndërtojmë me Nvidia për të krijuar përparime të reja në IA dhe fuqizuar njerëzit dhe bizneset që i përdorin”, tha Sam Altman, CEO i OpenAi.
“Kjo marrëveshje kompleton punën e thelluar që Open AI dhe Nvidia po bëjnë tashmë me një rrjet të gjerë bashkëpunëtorësh, përfshirë Microsoft, Oracle, SoftBank dhe Stargate, duke u përqendruar në ndërtimin e infrastrukturës më të përparuar të Inteligjencës Artificiale në botë.”
Ashtu si Google, Amazon apo të tjerë, OpenAI po punon për të ndërtuar çipet me IA duke synuar për një alternativë më të lirë se Nvidia.
