Numri i vdekjeve nga përmbytjet e mëdha dhe rrëshqitjet e dheut që goditën kryeqytetin indonezian Xhakartë gjatë Vitit të Ri shkoi në 43, bëri të ditur sot Agjencia shtetërore për menaxhim me katastrofat.
Vdekjet u shkaktuan nga hipotermia, mbytja, goditjet elektrike dhe rrëshqitjet e dheut, u tha gazetarëve Agus Wibowo, zëdhënësi i Agjencisë nacionale të menaxhimit me katastrofat.
“Një person raportohet se është zhdukur dhe pesë të tjerë presin të verifikohen”, tha ai.
Agjencia u bëri thirrje njerëzve, shtëpitë e të cilëve janë përmbytur që të evakuohen menjëherë në një vend të sigurt për të shmangur më shumë viktima.
Agjencia e Meteorologjisë dhe Klimatologjisë dhe Gjeofizikës së vendit (BMKG) parashikoi se shirat e dendur do të vazhdojnë në Xhakartë dhe qytetet e afërta deri më 10 janar.
