Një ekip shkencëtarësh nga Kyoto University në Japoni ka krijuar një qetësues të ri po aq efektiv sa fentanili, po pa veçoritë e tij. Kjo mund të ndryshojë kursin e krizës globale të opioideve, pasi testet klinike kanë rezultuar të suksesshme.
Projekti është në zhvillim prej 13 vjetësh dhe ka rezultuar i suksesshëm në fazën e parë të testeve klinike.
Faza e dytë do të nisë së shpejti. Masatoshi Hagiwara, një profesor i mjekësisë farmaceutike në Kyoto University, shpreson se testet klinike në shkallë më të gjerë, mund të kryhen vitin e ardhshëm në SHBA. Ai pret që ilaçi të jetë i disponueshëm në treg gjatë dy viteve të ardhshme.
Hagiwara e krijoi këtë ilaç për shkak sepse i ati, një mjek në profesion, ndërroi jetë nga kanceri i fshikëzës së tëmthit rreth 20 vite më parë.
Edhe pse kanceri nuk ishte përgjegjës direkt për vdekjen e tij, ishin qetësuesit me morfinë që duhej të merrte, të cilët i ndalonin frymëmarrjen, një nga efektet anësore të këtyre ilaçeve.
Ilaçi i ri i Kyoto University mund të lehtësojë dhimbjen pa efektet anësore të qetësuesve me morfinë. Ndër të tjera, i lejon pacientët të jenë plotësisht të vetëdijshëm gjatë trajtimit.
Një nga avantazhet më të mëdha të këtij qetësuesi është që nuk shkakton varësi, një problem i madh që lidhet me shumë mjekime opioidesh.
