Persona të armatosur kanë sulmuar një burg nigerian në shtetin juglindor Imo duke liruar një numër të papërcaktuar të burgosurish përpara se të ndiznin institucionin korrektues në orët e hershme të së hënës, theksoi policia, raporton Anadolu Agency (AA).
Personat e armatosur po ashtu shkatërruan selinë e Komandës së Policisë së Shtetit në Owerri, kryeqyteti i shtetit dhe dogjën pothuajse të gjitha automjetet e parkuara në selinë e komandës, tha për AA një dëshmitar okular.
Theksohet se ata kënduan këngë solidariteti në rrethrrotullimin e Pallatit të Qeverisë për rreth 30 minuta para se të sulmonin objektet.
Personat e armatosur kursyen vetëm njësinë anti-rrëmbim të departamentit të hetimit penal.
Asnjë grup deri më tani nuk ka marrë përgjegjësinë për sulmin.
