Skaneri më i shpejtë në botë me trup të plotë u ndez në Bernë të Zvicrës.
Sipas Inselspital të Universitetit Bern, skaneri hap dimensione të reja në hulumtime, diagnostikime dhe planifikime terapie.
Skanuesi më i shpejtë në gjithë botën PET / CT i të gjithë trupit ka hyrë në veprim në Inselspital të Universitetit të Bernës, transmeton tutje albinfo.ch.
“Skanuesi i ri PET / CT, i cili po hyn në veprim në departamentin e mjekësisë bërthamore, është një moment historik i vërtetë”, tha mjeku i departamentit Axel Rominger në një deklaratë të mërkurën.
“Me një fushë shikimi të shtrirë mbi 106 cm, tani është e mundur të prodhohen imazhe PET / CT të të gjithë kokës dhe bustit me një lëvizje.
Kjo do të thotë që, për herë të parë, mund të prodhohen imazhe aktuale 4D të një pjese të madhe të trupit”.
Skanuesit e sotëm PET kombinohen me një tomograf kompjuterik (CT), i cili mund të vizualizojë struktura anatomike, të tilla si kockat dhe indet, duke bërë të mundur që sinjali PET të vendoset saktësisht në trup.
