U ul burri në mesin e familjarëve të vet, krenar me vetveten dhe me mendimin e vet para të gjithëve, dhe gruaja në atë moment e jep mendimin e saj, kundërpërgjigjja e tij ishte: Çfarë është ky budallallëk?!
Madje, nuk i mjaftoi kjo, po filloi që t’i komentojë përpjekjet e tij të përhershme, se ato janë më të mira në aspekt të logjikuarit dhe të menduarit.
Fëmijët e vërejtën reagimin e prindit dhe kjo i bëri që në sytë e tyre, nëna, t’u duket si budalla! Kjo i bëri që ata të mos kenë besim tek ajo dhe në mendimin e saj dhe ajo të mos jetë e fuqishme që ato gjëra që i sheh të drejta në përmirësimin e gjendje familjare t’i realizojë, ngase ajo në sytë e fëmijëve të saj është “budalla”, e cila, ballafaqohet me lloje të ndryshe kritikash dhe akuzash nga prindi i tyre.
Ky qëndrim përsëritet me format e ndryshme. Herë me paraqitjen e saj si të dobët, e cila ka nevojë që i biri i saj, i cili i ka arritur të pesëmbëdhjetat, ta mbrojë dhe ta shoqërojë në blerjen e gjërave, e herë se ajo nuk di se si të sillet me fëmijët e saj kur ata gabojnë! Dhe e tëra kjo të bëhet para syve të fëmijëve, deri në atë gradë, saqë ajo të mos respektohet nga fëmijët!
Kjo thyerje do të thotë shkatërrim i një pjese të rëndësishme nga shtyllat e familjes, dhe me këtë, baraspesha familjare të destabilizohet nga aspekti i ardhmërisë dhe nga aspekti i edukimit të brezit të ardhshëm!
Me plot kuptim e themi se me thyerje nënkuptojmë humbjen e busullës në shtëpi!!
Nga arabishtja: Irfan JAHIU
