Gjykata e Posaçme nisi gjykimin e ish-zëvendëskryeministrit Arben Ahmetaj për dosjen “Buka”, ku është marrë i pandehur për akuzën e “Shpërdorimit të detyrës”.
Në këtë seancë, Ahmetaj u përfaqësua nga avokati Henrik Ligori.
Prokurori Elvin Gokaj lexoi para gjyqtares kërkesën për gjykimin e ish-zëvendëskryeministrit, duke parashtruar se procedimi në fjalë është regjistruar në 2022, pas kallëzimit të një qytetari mbi procedurën e privatizimit të shoqërisë “Buka Sha”.
Sipas SPAK, Ahmetaj ka firmosur një urdhër për privatizimin e firmës, edhe pse kishte disa vendime gjykate që e ndalonin këtë gjë.
SPAK kërkoi po ashtu pyetjen e disa dëshmitarëve në këtë proces, i cili po zhvillohet me procedurë të zakonshme.
Gjykata e Posaçme lexoi në seancë edhe shkresën e Interpolit për kërkimet ndaj ish-ministrit, i cili ndodhet në Zvicër.
Prokuroria e Posaçme ka çelur një dosje të re dhe po heton një transfertë prej 3 milionë eurosh nga Shqipëria drejt Austrisë, para të cilat dyshohen se janë përfituar nga zv.kryeministri Arben Ahmetaj.
Bëhet fjalë për një transfertë të kryer nga biznesmeni Lirim Fejzullai në vitin 2014, pak kohë pas privatizimit të ndërmarrjes Buka, veprim që sipas SPAK i ka shkaktuar dëm buxhetit të shtetit 7 miliardë lekë.
“Kemi rënë në kontakt me një shumë të madhe parash që janë transferuar nga Shqipëria në një vend të BE që po verifikohet”, tha prokurori Gokaj.
Avokati Henrik Ligori që mbron interesat e Ahmetaj reagoi në gjykatë dhe deklaroi se prokurori nuk kishte ngutje të mbyllte hetimet, nëse ka prova të reja tu paraqesë, pasi nuk mund të jete proces i rregullt me akte surprise.
Elvin Gokaj i tha gjykatës së u detyrua t’i njoftonte akuzën e shpërdorimit të detyrës për dosjen “Buka” për shkak të shkak te afateve te parashkrimit, ndërsa çështja për trasfertën e parave është veçuar dhe po mbi bazën e letër porosive rtë ardhura nga Austria.
