Facebook, Twitter dhe rrjetet e tjera sociale janë duke u përpjekur të kapin miliona komente që përhapin gënjeshtra për koronavirusin dhe gjoja metodat e mrekullueshme për ta luftuar atë. Ja çfarë nuk duhet të besoni.
Qendra Amerikane për Kontrollin dhe Parandalimin e Sëmundjeve deklaron se për shkak të jetëgjatësisë së ulët të virusit në sipërfaqe, ekziston vetëm “një rrezik shumë i ulët i përhapjes nëpër produkte ose pako që udhëtojnë për ditë ose javë”. Kjo do të thotë që porositë tuaja përmes Amazon janë të sigurta.
Hidrogjen nën hundë?
Shumë njerëz aplikojnë dezinfektues të bazuar në hidrogjen nën hundët e tyre, duke besuar se ata “pastrojnë” ajrin që thithin në mënyrë që të mos mund të hyjë virusi. Sidoqoftë, dezinfektuesit e tillë mund të vrasin koronavirus në sipërfaqe tà « forta, por pothuajse nuk kanë asnjë efekt kur vendosen në lëkurë. Përveç kësaj, vendosja e kimikateve të forta në lëkurën tuaj mund të jetë e rrezikshme, madje edhe vdekjeprurëse, transmeton KosovaPress.
A mundet qeni im të më infektojë?
Organizata Botërore e Shëndetit (OBSH) raporton se nuk ka prova që kafshët shtëpiake të zakonshme, të tilla si qentë dhe macet, mund të infektohen me virusin e ri. Pas kontaktit me kafshët shtëpiake, mjafton të lani duart siç duhet – kjo është mënyra se si ju mbroni veten nga bakteret që ata bartin.
Po në lidhje me një vaksinë pneumokoke?
Një vaksinë pneumokoke që shkakton pneumoni është shumë e efektshme, por për fat të keq nuk ndihmon me koronavirusin. Virusi i ri është aq i ndryshëm sa duhet të zhvillohet një vaksinë e veçantë. Shkencëtarët janë me nxitim, por mund të kalojë një kohë.
Lani hundën me ujë të kripur?
Në rrjetet sociale në Kinë, shumë po bëjnë thirrje për këshillat e supozuara të një eksperti kryesor kinez të sëmundjes së frymëmarrjes, i cili raportohet se shpëlante hundën me ujë të kripur. OBSH thotë se nuk ka prova që uji me kripë ndihmon. Është njësoj me larjet e gojës dhe dhëmbët – ata as nuk mund ta vrasin këtë virus.
Ose për shkak të hudhrës!
Kur ndihmon kundër vampirëve, pse jo kundër virusit? Mrekullitë e hudhrave raportohen gjithashtu gjerësisht në rrjetet sociale. Sigurisht, hudhra u jep ushqimeve një shije hyjnore dhe ka disa veti në luftën kundër mikrobeve, por nuk ndihmon as me koronavirusin, tha OBSH.
