Në Kosovë, pritet të mbahet sot në orën 12:00 seanca e radhës për konstituimin e Kuvendit të ri.
Presidentja Vjosa Osmani iu përgjigj kërkesës së bërë nga kryesuesi i Kuvendit Avni Dehari, duke deklaruar se deputetët duhet të mblidhen brenda 48-orëve pas ndërprerjes së seancës së 15 Prillit.
Në seancën e parë deputetët nuk dhanë votat e nevojshme për të miratuar raportin e për verifikimin e mandateve, duke bllokuar kështu edhe betimin e tyre.
Nga ana e tyre, tre forcat politike PDK, LDK dhe AAK kanë konfirmuar se do të marrin pjesë në seancën e sotme.
Lista Serbe ka deklaruar se nuk do ta votojë një mandat të ri të Qeverisë Kurti. Ndërkohë dje, Albin Kurti edhe pse ka dhënë dorëheqjen mblodhi qeverinë, duke deklaruar se nuk mund të braktisë institucionin. Ditën e martë është ndërprerë seanca për konstituimin e legjislaturës së nëntë.
Pas konstituimit të Kuvendit, i takon partisë fituese të zgjedhjeve Lëvizjes Vetëvendosje që brenda 15 ditësh, të sigurojë votat e nevojshme për votimin e qeverisë, e cila duhet të ketë së paku 61 vota.
Në rast të dështimit të formimit të qeverisë, i takon partisë së dytë PDK-së të marrë mandatin për formimin e qeverisë.
