Dy maratona që priteshin të organizohen në Paris, u shtynë për një datë tjetër për shkak të koronavirusit të ri (COVID-19), (AA).
Në njoftimin e publikuar nga kompania që i organizon aktivitetet Amaury Sport Organisation, u bë e ditur se Maratona e Parisit që pritej të organizohet më 5 prill është shtyrë për 18 tetor për shkak se COVID-19 ka arritur në përmasa të rrezikshme.
Në njoftim gjithashtu është theksuar se Maratona Harmonie Mutuelle që pritej të organizohet këtë fundjavë është shtyrë për 6 shtator.
Ndërkohë, edhe në Itali, Maratona e Romës që pritej të organizohet më 29 mars ishte anuluar.
