Komisioni i Venecias ka publikuar raportin në lidhje me mandatin e deputetes Olta Xhaçka, i shprehur në 15 faqe.
Ky komision ishte ftuar që të jepte qëndrimin e tij nga kryetarja e Kuvendit të Republikës së Shqipërisë Elisa Spiropali mbi marrëdhënien mes demokracisë përfaqësuese parlamentare dhe vendimeve detyruese të Gjykatës Kushtetuese.
Po ashtu, sqarohet roli i Kuvendit në shqyrtimin e mocioneve mbi papajtueshmërinë me mandatin e një deputeti kur trajtohet zbatimi i vendimeve të Gjykatës Kushtetuese nga Parlamenti.
Sipas Venecias, Parlamenti nuk detyrohet të votojë në një mënyrë të caktuar, por është i kufizuar të votojë vetëm për çështjet që hyjnë në kompetencën e tij.
Me tej, thuhet se kur aktgjykimi i një Gjykate Kushtetuese interpreton Kushtetutën si kufizim i fuqisë vendimmarrëse të Parlamentit, ky i fundit duhet të miratojë atë.
Venecia thekson se pajtueshmëria e të gjitha autoriteteve me vendimet e Gjykatës Kushtetuese është bazuar në parimin e besnikërisë kushtetuese si element i shtetit të së drejtës.
Përputhshmëria e tillë per Venecian nuk duhet të kushtëzohet me votën e shumicës parlamentare, por është thelbësore bazuar në kërkesën e shtetit të së drejtës.
