Me sanksionet e SHBA që bllokojnë tregtinë e Huawei me prodhuesit e çipeve si TSMC, kompania thjeshtë nuk ka akses në teknologjinë e fundit për modelet e ardhshme.
Huawei po përgatitet të prezantojë telefonin e ardhshëm më 22 Tetor në një eveniment virtual. Kompania konfirmoi se Mate 40 do të jetë telefoni i fundit me çipin e rangut të lartë Kirin.
Me sanksionet e SHBA që bllokojnë tregtinë e Huawei me prodhuesit e çipeve si TSMC, kompania thjeshtë nuk ka akses në teknologjinë e fundit për modelet e ardhshme. Procesori 5-nanometër Kirin në Mate 40 do të jetë jo vetëm i shpejtë por edhe efikas.
Mate 40 do të pasojë modelin Mate 30 me fokus fotografinë dhe katër sensorë të kamerës së pasme. Notch-i ballor mund të zëvendësohet me një prerje për dy kamerat frontale ku njëra prej tyre do të jetë me kënd të gjerë.
Ekrani ujëvarë nuk do të ikë asgjëkund dhe do të vijojë me këtë model. Nuk dihet se kur Mate 40 do të arijë konsumatorët por sipas raporteve do të bëhet i disponueshëm vetëm në 2021, një kohë shumë e gjatë sidomos përballë konkurrentëve të cilët nuk po qëndrojnë në vend.
