Drejtori i përgjithshëm i Policisë së Shtetit, Skënder Hita inspektoi sot masat e marra për mbarëvajtjen e tubimit politik të opozitës, që do të zhvillohet në bulevardin “Dëshmorët e Kombit”, para Kryeministrisë.
Gjatë inspektimit, Hita kërkoi nga grupi i menaxhimit të shërbimeve policore të angazhuara në terren që të ruajnë qetësinë dhe të tregojnë profesionalizëm në garantimin e rendit dhe sigurisë.
Ai ka theksuar rëndësinë e koordinimit të forcave policore dhe reagimit të kujdesshëm për të shmangur çdo incident gjatë zhvillimit të aktivitetit, për të siguruar që tubimi të zhvillohet në mënyrë të qetë dhe të organizuar.
