Kryeministri Rama, ka inspektuar ditën e sotme, disa shtëpi të përfunduara pas procesit të rindërtimit në Kamëz. Gjatë kësaj vizite ai ka qenë i shoqëruar edhe nga kryetari i bashkisë së kamzës, Rakip Suli.
Rama ka biseduar me qytetarët, ndërsa u ka thënë se nuk mund të qëndrojë shumë gjatë për vizitë sepse nëse vazhdonte kështu, nuk do dilte koha për të inspektuar punimet në shtëpitë e tjera.
“Përshëndetje, se kemi edhe të tjera, po filluam kshu nuk mbarojmë dot. Respekte, të falenderoj shumë”- tha Rama.
Më tej kryeministri pyeti edhe nëse qytetari që po merrte në dorëzim shtëpinë, kishte pasur besim se do të rindërtohej banesa e tij. Në inspektimet që po bënete, kryeministri vuri re një mbulesë që nuk i pëlqeu si dekor, dhe i kërkoi qytetarit që t’a hiqte.
“Rama: Ke pas besim që do bëhet ?
Qytetari: Tepër besim
Rama: Hiqja këtë mbulesën. Shum mirë e ? Më e madhe se ç’ishte apo… e më e madhe, në rregull.
Qytetarja: Gëzuar edhe festën e bajramit.
Rama: Rrofsh, respekte. Bajrami është nesër.
Gratë e dinë se cfarë është puna, nuk e dinë kollaj, kurse burrat e dinë kollaj. Hajde këtu, a ka qenë babi dyshues apo jo ?
Vajza: Jo jo, është njeri i mirë.
Rama: Moj unë e di se është njeri i mirë por po pyes për gjë tjetër”
