Shefi i kabinetit të kancelares gjermane, Angela Merkel tha se pret që vaksinimi kundër koronavirusit (COVID-19) në Gjermani të fillojë “në ditët e para” të vitit të ri, transmeton Anadolu Agency (AA).
Pritet që autoritetet e Bashkimit Evropian deri më 29 dhjetor do të sjellin vendim për miratimin e vaksinës së parë për përdorim. Gjermania është duke përgatitur qendër të posaçme për vaksinim. Lajmi erdhi derisa Britania e Madhe përgatitet për fillimin e vaksinimit kundër koronavirusit të martën.
Helge Braun të dolën vonë tha se do t’iu tregojë autoriteteve mjekësore se është i gatshëm të ndihmojë.
Më pas tha se ai dhe Merkel do të vaksinohen “kur t’u vijë radha”.
Të dhënat mbi infeksionet në Gjermani janë stabilizuar pak që nga mbyllja e pjesshme më 2 nëntor, por nuk janë ulur.
Të hënën qendra kombëtare për kontroll të sëmundjes paraqiti 12.332 raste të reja gjatë 24 orëve të fundit, krahasuar me 11.168 një javë më parë dhe 147 vdekje të reja.
Kufizime të tilla si mbyllja e restoranteve, bareve, palestrat sporteve dhe objekteve argëtuese do të zgjasin të paktën deri më 10 janar ndërsa disa rajone po marrin ose po mendojnë për masa më të ashpra. Braun tha se duhen kufizime më të rrepta “të paktën në vatrat e pandemisë”.
