Detaje të reja kanë dalë nga deportimi Harun Çelikut, i cili u rrëmbye nga autoritetet turke sapo la ambientet e burgut 302, për t’u ekstraduar në Turqi,
Avokati mbrojtës i shtetasit turk, Harun Çelik, Alban Bengasi i ka bërë një kërkesë Drejtorisë së Kufirit dhe Emigracionit pasi do që të njihet me procedurën për largimin e klientit të tij nga Shqipëria.
“Dua të di nëse është deportim apo dëbim. Dua të njihem me procedurën. Nuk jam njoftuar për këtë rast dhe është në shkelje të ligjit”, thuhet ndër të tjera në shkresë.
Po kështu më 15 janar pritet të dalë para gjykatës së Tiranës, Selami Simsek miku i mësuesit turk, Harun Çelik , i cili u arrestua në po të njëjtën ditë me të në aeroportin Nënë Tereza me pasaportë kanadeze.
Ndaj tij rëndon akuza e falsifikimit të dokumenteve, ndërsa do të jetë gjyqtari Ahmet Metalia i cili do të japë verdiktin.
