Sekretari i ri i Jashtëm britanik, lordi David Cameron vizitoi Ukrainën për bisedime me presidentin ukrainas Volodymyr Zelensky.
Zelensky tha se të dy diskutuan për furnizimin me armë për përballimin e pushtimit rus.
“Ne patëm një takim të mirë të fokusuar në armët për frontin, forcimin e mbrojtjes ajrore dhe mbrojtjen e njerëzve tanë dhe infrastrukturës kritike. I jam mirënjohës Britanisë së Madhe për mbështetjen e saj”, shtoi Zenesky.
Ish-kryeministri Cameron u bë sekretar i Jashtëm dhe vizita e parashikuar në Ukrainë do të synojë të demonstrojë mbështetjen e vazhdueshme të Mbretërisë së Bashkuar për vendin.
