Shqipëria është përfaqësuar sot në Kampionatin Botëror të Mundjes për të rritur që po zhvillohet në Zagreb me dy përfaqësuesit e parë të Islam Dudaev dhe Zelimkhan Abakarov.
Në kategorinë 61 kilogramë, debutimi i Zelimkhan Abakarov rezultoi pozitiv. Ai mposhti me rezultat të pastër 3-0 turkun Emrah Ormanoglu, duke siguruar kualifikimin për në raundin tjetër.
Ndërsa në peshën 70 kilogramë të stilit të lirë, Islam Dudaev u mposht që në ndeshjen e parë, duke pësuar një humbje të thellë 9-1 ndaj hungarezit Ismail Musukaev i vili është kampion bote.
Rezultat zhgënjyes ky, pasi mundësi kuqezi vetëm një vit më parë fitoi medaljen e bronztë në Lojërat Olimpike “Paris 2024”.
Pavarësisht humbjes në sfidën e parë, ekziston mundësia që Dudaev të ‘ripeshkohet’ në vijim të këtij turneu.
Në Botërorin e këtij viti, Shqipëria do të përfaqësohet edhe nga mundësit Chermen Valiev, Gjete Prenga dhe Albina Drazhi, të cilët do të zbresin në tapet në ditët në vijim.
