Biden propozon ambasadorin e ri në Shqipëri

David J. Kostelancik mund të jetë ambasadori i ri i SHBA në Shqipëri, pasi është emri i propozuar nga presidenti amerikan Joe Biden.

Kostelancik nuk është një emër i panjohur për politikën shqiptare pasi ka shërbyer në ambasadën amerikane në Shqipëri në fillim të viteve ’90.

David J. Kostelancik, shërben aktualisht si Këshilltar për Politikën e Jashtme i Shefit të Shtatmadhorisë amerikane, Gjeneral Mark Milley.

Ai ka shërbyer më herët si zëvendës Shef i Misionit dhe për dy vjet, si i Ngarkuar me Punë i përkohshëm në Ambasadën e SHBA-së në Budapest të Hungarisë.

Diplomati Kostelancik, me origjinë nga shteti i Ilinoit, është diplomuar në Universitetin Northwestern të këtij shteti.

Nëse kandidatura e tij miratohet nga Senati, diplomati Kostelancik do të zëvendësojë ambasadoren aktuale amerikane në Shqipëri, Yuri Kim.

https://www.whitehouse.gov/briefing-room/statements-releases/2023/01/23/president-biden-announces-key-nominees-36/

- ISLAMSHOP.CH -spot_img

LEXO MË SHUMË

Së fundi