Gjykata e Posaçme do të shqyrtojë me 4 mars kërkesën e ish kryeministrit Sali Berisha për heqjen e masës së arrestit shtëpiak.
Avokatët mbrojtës pretendojnë se Berisha nuk ka kryer asnjë shkelje në lidhje me privatizimin e ish kompleksit Partizani.
Kërkesa do të shqyrtohet nga gjyqtarja Irena Gjoka, ndërsa Berisha mbahet i izoluar në banesë prej datës 30 dhjetor.
Ai akuzohet nga SPAK për korrupsion në lidhje me dosjen për ish kompleksin Partizani, pasi dyshohet se ka favorizuar dhëndrin e tij Jamarbër Malltezi, që njësoj si Berisha po mbahet në arrest shtëpie për akuzën e korrupsionit aktiv dhe pastrimit të parave.
