Kryetari i Partisë Demokratike, Lulzim Basha u shpreh sot se përfitimi i protestuesve të PD dhe protestave qytetare përmes aministisë penale është i panegociueshëm.
“Dëgjuam një deklarim të PS për arsyen se pse u hoq amnistia. Shpresoj të jetë pjesë e gënjeshtrave të këtyre ditëve dhe të mos jetë pjesë e pazarit të gjësë së gjallë për të peshkuar deputetë për të votuar”, tha Balla në një deklaratë për mediet.
Kreu i PD, u shpreh se, “hapi i parë që e zgjidh këtë është heqja dorë nga propozimet që u futën tinëzisht për të përfituar zyrtarët e korruptuar. Së dyti, të futën propozimet e PD për t’u përfshirë në amnisti protestuesit”.
“Është kërkesë e PD, nuk është kërkesë për negocim, nuk është negocim është e domosdoshme”, theksoi Basha
Ne, vijoi Basha, “e shohim këtë si një pjesë të domosdoshme dhe integrale të amnistisë, nga e cila duhet të përfitojnë edhe këta protestues. Ndaj nga kjo nuk ka asnjë tërheqje, sigurisht këtë duhet ta marrin parasysh ata që aktualisht kanë shumicën e votave në parlament. Por, ky është qëndrimi ynë dhe është i pandryshueshëm”, tha ia më tej.
