Shqipëria dhe Japonia synojnë forcimin e bashkëpunimit në fushën e infrastrukturës dhe energjisë.
Zëvendëskryeministrja, njëherësh ministre e Infrastrukturës dhe Energjisë, Belinda Balluku u prit të enjten në një takim kortezie, nga ambasadoren e Japonisë në vendin tonë, Kikuko Kato.
Balluku tha se, gjatë takimit me ambasadoren Kato konfirmuam se Japonia dhe Shqipëria kanë bashkëpunuar në fusha të ndryshme, duke përfshirë forume ndërkombëtare, si partnerë që ndajnë vlera të përbashkëta.
“Gjithashtu, shkëmbyem mendime mbi bashkëpunimin aktual ndërmjet Japonisë dhe Shqipërisë në fushat e infrastrukturës dhe energjisë, si dhe lidhur me sfidat e ardhshme”, bëri të ditur Balluku.
