Koordinatori i PD për Tiranën Klevis Balliu ka thënë se mosbindja civile e 7 tetorit do të përshkallëzohet.
Ai tha se në burg janë sot protestuesit e opozitës. Balliu shtoi se është koha që të kthejmë Shqipërinë në shinat e demokracisë.
“Ata që na ishin mërzitur se qenka prishur fasada e partisë së krimit, turpi nuk është i joni pse është prishur ajo fasadë, por pse nuk është prishur më përpara.
Kemi disa ditë që protestojmë këtu… por që të gjithë jemi mbledhur këtu, përfshirë dhe ata që në datën 7 ne i kishim përballë, jo vetëm në terren por dhe në studio, me një frikë, se mos vazhdon apo nuk vazhdon data 7.
Data 7 do vazhdojë. Data 7 do përshkallëzohet, përderisa ju nuk dëgjoni zërin e qytetarëve.
Të gjitha ata analistë që paguhen me lekët që ju vjedhin juve nga qeveria, pseudo-analiztë që sulmojnë opozitën nga studio në studio, sulmojnë opozitën dhe qytetarët se pse kanë protestuar dhe nuk sulmojnë këtë qeveritarë që vjedhin përditë.
Sot në burgje janë protestuesit, nuk është vemja e bashkisë.
Sot në burgje janë protestuesit, jo Olsi Rama e Belinda Balluku.
Sot në burgje janë protestuesit, nuk është Olta Xhaçka me burrin e saj, sot në burgje janë protestuesit dhe nuk është autori dhe arkitekti shpopullimit të Shqipërisë, Edi Rama.
Pse?
Sepse SPAK është kthyer në një vegël të pushtetit të drogës, në dorën e pushtetit të partisë së krimit, dhe ata që na ishin mërzitur se qenka prishur fasada e partisë së krimit, turpi nuk është i joni pse është prishur ajo fasadë, por pse nuk është prishur më përpara”, shkruan Balliu.
