Stadiumi i parë ”qiellor” në botë i futbollit do të ndërtohet 350 metra mbi tokë dhe do të hapet në kohë për të pritur ndeshjet e Kupës së Botës, raporton thesun.co.uk.
”Arena”, e cila aktualisht quhet ”Stadiumi NEOM”, do të ndërtohet 350 metra mbi tokë dhe një video e re jozyrtare e konceptit ka shkaktuar një bujë të madhe në median sociale.
Imazhet e gjeneruara nga IA tregojnë një stadium të vendosur në majë të një qiellgërvishtësi.
Stadiumi pritet të ketë një kapacitet prej 46 000 vendesh.
Arabia Saudite publikoi 15 koncepte për stadiume futuristike që do të përfundojnë para se të mbërrijë turneu.
Plani fillestar ishte të fillonte ndërtimi i stadiumit në vitin 2027 dhe të përfundonte deri në vitin 2032, gati për të pritur ndeshjet në Kupën e Botës dy vite më vonë.
Ndër fushat e tjera të planifikuara për ndërtim përpara turneut, është stadiumi ”King Salman”, më i madhi nga arenat e propozuara.
Stadiumi mendohet të ketë një kapacitet prej 92 000 vendesh dhe të shërbejë si shtëpia e re e ekipit kombëtar saudit.
Stadiume të tjera kanë dizajne të shkëlqyera, të tilla si imitimi i një kanioni shkëmbor ose ndërtimi në anën e një shkëmbi.
