Apple përditësoi iOS 14 vetëm 8 ditë nga debutimi i saj. Përditësimi i ri është i vogël, vetëm 170MB dhe duhen vetëm pak minuta për tu shkarkuar.
iOS 14.0.1 përqendrohet tek rregullimi i problemeve dhe gabimeve dhe në këtë artikull shpjegojmë çdo gjë që duhet të dini për versionin më të fundit të sistemit operativ.
Ja sesi ta shkarkoni
iOS 14.0.1 është i disponueshëm për tu shkarkuar për modelet e mbështetura nga iPad Air 2 dhe iPad Pro, ndërsa për iPhone mbështetja fillon nga iPhone 6S dhe iPhone SE plus gjeneratën e 7-të të iPod.
Mjafton të shkoni në aplikacionin Settings dhe të zgjidhni opsionin General e më pas Software Update. Sapo të klikoni Download and Install, iOS 14.0.1 do të shkarkohet dhe instalohet automatikisht.
Ka pasur pak probleme me iOS 14, të paktën krahasuar me gjeneratën e kaluar iOS 13. Është iOS i parë i cili lejon përdoruesit të zgjedhin shfletuesin dhe aplikacionin e preferuar të e-mail.
Nëse keni vënë re një rikthim të konfigurimi të vjetër pasi keni ndryshuar shfletuesin dhe aplikacionin e-mail të preferuar pas restartimit, atëherë ky version i iOS e rregullon.
Gjithashtu është adresuar një problem me paraqitjen paraprake të ndërfaqes së kamerës specifikisht në iPhone 7 dhe 7 Plus. Nëse iPhone juaj nuk lidhet me rrjetet Wi-Fi, ky përditësim duhet ta zgjidhë.
Disa përdorues thanë se kanë gjetur probleme duke dërguar e-maile me disa ofrues të ndryshëm e-mailesh që iOS 14.0.1 i jep zgjidhje.
Së fundi nëse keni vënë re që imazhet nuk shfaqen në widget e aplikacionit News, tani nuk do ta keni këtë problem më.
Versioni i parë i iOS 14 debutoi më 16 Shtator duke sjellë një mori veçorisht të reja nga widgets, tek App Clips dhe App Library. Apple është kritikuar për kopjimin e me shtesat e reja të iOS 14.
Megjithatë ka pasur përmirësime edhe në drejtime tjera si aplikacion Messages që është më i fuqishëm në komunikim, aplikacioni i hartave që është përmirësuar me drejtime dhe guida të reja dhe aplikacioni i përkthimi Translate që mund të përkthejë në kohë reale në 11 gjuhë të ndryshme.
