Majlinda Angoni zhvilloi një takim me përfaqësuesit e bizneseve dhe drejtuesin e Dhomës së Tregtisë në të cilën shpalosi pikën kryesore të programit ekonomik, ndërtimi i Këshillit Ekonomik të Shkodrës.
Këshilli Ekonomik të Shkodrës do të jetë një forum bashkëpunimi mes komunitetit, biznesit dhe bashkisë me qëllim vendosjen e prioriteteve për biznesin, më shumë lehtësira, thjeshtësim procedurash dhe hartimin e një pakete që mbështet biznesin e vogël dhe të mesëm.
“Ndërtimi i një partneriteti me biznesin dhe një klime të përshtatshme për bizneset e reja do t’i japin frymëmarrje ekonomisë dhe më shumë mundësi për të rinjtë për tu bërë pjesë e sipërmarrjes”, theksoi Angoni.
