Ambasada gjermane e ka cilësuar si të papranueshme dhunën në kuadër të demonstratave të zhvilluara një ditë më parë.
Në reagim, ambasada gjermane theksoi se protestat politike dhe e drejta për të demonstruar janë të drejta themelore në çdo shoqëri demokratike, por ato nuk mund të përligjin asnjëherë dhunën ndaj personave apo objekteve.
Ambasada Gjermane u bën thirrje përfaqësuesve të partive politike përgjegjëse që të distancohen në mënyrë të paekuivoke nga dhuna
“Ambasada Gjermane dënon dhunën e papranueshme në kuadër të demonstratave të djeshme. Protestat politike dhe e drejta për të demonstruar janë të drejta themelore në çdo shoqëri demokratike. Por ato nuk mund të përligjin asnjëherë dhunën ndaj personave apo objekteve. Ne kërkojmë prej përfaqësuesve të partive politike përgjegjëse të distancohen në mënyrë të paekuivoke nga dhuna”, thuhet në deklaratën e ambasadës gjermane.
