Një 32-vjeçar shqiptar ka humbur jetën në një fshat të Pulias në provincën e Barit, teksa po punonte me traktor. Viktima është identifikuar si Klevis Bardo, me origjinë nga Shqipëria, por që kishte shkuar në Itali për një jetë më të mirë.
Ai jetonte në Conversano dhe ishte punësuar nga një kompani bujqësore me qendër në qytetin e vogël Rutigliano, në provincën e Barit.
Ngjarja e rëndë ka ndodhur pasditen e së premtes, kur 32-vjeçari humbi kontrollin mbi mjetin bujqësor me të cilin po udhëtonte përgjatë një rruge të ngushtë dytësore.
Automjeti u përplas me një mur guri. Përplasja e tmerrshme nuk la asnjë shans shpëtimi për 32-vjeçarin, i cili ka gjetur vdekjen e menjëhershme.
