Një 47-vjeçar ka ndërruar në Berat.
Policia bën me dije se gjatë punimeve në një subjekt privat, një masiv guri është shkëputur duke zënë poshtë 47-vjeçarin.
Edhe pse u transportua në spital ai nuk i shpëtoi dot plagëve të marra duke humbur kështu jetën.
Njoftimi:
Rreth orës 11:30, në lagjen “13 Shtatori”, në rrugën e Kalasë, gjatë punimeve nga një subjekt privat, është shkëputur një masiv guri dhe ka zënë poshtë punëtorin e subjektit, shtetasin G. S., 47 vjeç, banues në Berat.
Shërbimet e Policisë dhe të zjarrfikëses kanë bërë të mundur nxjerrjen e shtetasit G. S. nga masivi i gurit dhe e kanë transportuar me ambulancë drejt spitalit, por si pasojë e dëmtimeve, 47-vjeçari ka humbur jetën.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
