Moska lëshoi sot në mëngjes një raketë balistike ndërkontinentale në Ukrainë – për herë të parë, tha Kievi, duke shënuar përshkallëzimin e fundit të konfliktit – që kur Ukraina sulmoi Rusinë me raketa me rreze të gjatë veprimi të furnizuara nga Perëndimi.
Forcat ajrore ukrainase thanë në një deklaratë, se forcat ruse kishin lëshuar sot në mëngjes – disa lloje raketash në qytetin qendror të Dnipros, duke shënjestruar infrastrukturën e rëndësishme.
“Raketa balistike ndërkontinentale që Rusia lëshoi sot në Ukrainë nuk mbante një ngarkesë bërthamore, tha një burim në forcat ajrore ukrainase.
Burimi theksoi se ishte “e qartë” se raketa – e cila ishte projektuar për të bartur koka luftarake konvencionale dhe bërthamore – nuk mbante një ngarkesë bërthamore.
Rusia dhe Ukraina kanë përshkallëzuar përdorimin e tyre të raketave vdekjeprurëse me rreze të gjatë veprimi gjatë ditëve të fundit – që kur Shtetet e Bashkuara të Amerikës dhanë lejen për të përdorur raketat e prodhimit amerikan ATACMS kundër objektivave ushtarake brenda Rusisë.
Ndërkohë, media britanike raportoi dje se Kievi kishte lëshuar raketa “Storm Shadow” të furnizuara nga Britania e Madhe – duke shënjestruar objektiva në Rusi pasi iu dha drita jeshile nga Londra.
Ministria e Mbrojtjes në Moskë tha se sistemet e saj të mbrojtjes ajrore kishin rrëzuar dy “Storm Shadows”, pa thënë nëse ato ishin rrëzuan në territorin rus apo në Ukrainën e pushtuar.
