Presidenti Bajram Begaj përkujtoi sot ngjarjet tragjike të 11 shtatorit 2001 në SHBA, ndërsa u shpreh se “kjo ditë shërben gjithashtu si kujtesë për luftën e vazhdueshme kundër terrorizmit”.
“Njëzet e tre vjet më parë, bota u trondit nga sulmet e paimagjinueshme që morën jetën e mijëra njerëzve të pafajshëm në SHBA. Në këtë ditë, nderojmë viktimat por edhe forcën e qëndrueshmërinë e popullit amerikan”, u shpreh Presidenti.
Sipas tij, “kërcënimi i terrorizmit nuk është zhdukur”. “Ai nuk njeh ngjyrë apo ideologji. Nuk duhet të harrojmë kurrë këtë”, u shpreh Presidenti.
