Masakra në Prishtinë me një të vdekur dhe 5 të plagosur, Prokuroria jep detaje nga ngjarja

Më datë:

Detaje të reja janë zbardhur nga ngjarja e ndodhur pas mesnate në Prishtinë.

Pas një përplasjeje të armatosur mes dy grupesh mbeti i vdekur një person, ndërsa u plagosën 5 të tjerë.

Sipas Prokurorisë së Prishtinës, dy grupet u përplasën pas konflikteve të vjetra që kishin me njëri-tjetrin.

Në njoftimin zyrtar theksohet se të pestë personat janë jashtë rrezikut për jetën.

Postimi i plotë i Prokurorisë në Prishtinë:

Prokurorinë Themelore në Prishtinë, njofton opinionin publik se Prokurori kujdestar dje rreth orës 22:20, min nga Policia e Kosovës- Njësia e Hetimeve Rajonale në Prishtinë është njoftuar për një incident me armë zjarri në mes disa personave në rrugën “Gazmend Zajmi” në Prishtinë.

Kryeprokurori i Prokurorisë Themelore në Prishtinë Zejnullah Gashi, së bashku me Prokurorin kujdestar kanë dal në vendin e ngjarjes dhe së bashku me hetuesit policor kanë konstatuar se në këtë rast kemi të bëjmë me një përleshje në mes dy grupeve të armatosura si pasojë e mosmarrëveshjeve të mëhershme, ku si pasojë e kësaj një person ka mbetur i vdekur në vendin e ngjarjes, ndërsa pesë të dyshuar tjerë kanë marrë lëndime trupore dhe janë dërguar Klinikën Emergjente në QKUK, për të marrë trajtimin e duhur mjekësor dhe për momentin janë jashtë rrezikut për jetë.

Me urdhër të prokurorit të shtetit është bërë sigurimi i vendit të ngjarjes nga Policia e Kosovës si dhe janë kryer veprimet hetimore nga Njësia e Forenzikës. Po ashtu me urdhër të Prokurorit trupi i pa jetë i gjetur në vendin e ngjarjes është dërguar në Institutin e Mjekësisë Ligjore në Prishtinë për të iu bërë Autopsia.

Rasti penal është filluar në drejtim të veprës penale “Vrasja e Rendë” në bashkëkryerje, si dhe veprën penale “Mbajtja në pronësi, kontroll ose posedim të paautorizuar të armëve” ku në këtë rast me vendim të prokurorit janë ndaluar pesë (5) persona, si dhe janë duke u zhvilluar veprime hetimore në identifikimin e personave të tjerë të përfshirë në këtë rast pasi që dyshohet se në këtë rast janë të përfshirë edhe persona të tjerë ende të pa identifikuar.

Shpërndarje

spot_imgspot_img

Më të fundit

Më shumë si kjo
Të ngjashme

Takim mes tre liderëve botërorë në Kinë, Trump, Putin dhe Xi Jinping në samitin e APEC

Presidenti amerikan, Donald Trump, dhe homologu i tij rus,...

SPAK kërkon konfiskimin e pasurive me vlerë 9.1 milionë euro, apartamente dhe makina luksoze

Prokuroria e Posaçme i ka kërkuar Gjykatës së Posaçme...

Denoncimi i të riut: U dhunova në zyrën e komisariatit nga efektivët pas protestës

Kreu i Partisë Mundësia, Agron Shehaj, ka denoncuar një...

I dënuar për vrasje, Valentin Ftoni ekstradohet nga SHBA dhe mbërrin në Tiranë

Është ekstraduar nga Nju Jorku drejt Shqipërisë 52-vjeçari Valentin...