Në një telefonatë me homologun e tij turk, Hakan Fidan – sekretari amerikan i Shtetit Antony Blinken diskutoi rëndësinë e pjesëmarrjes së Hamasit në samitin e së enjtes në Doha – që synon finalizimin e një marrëveshjeje armëpushimi midis grupit terrorist dhe Izraelit, tha Departamenti i Shtetit.
Hamasi njoftoi dje se nuk do të merrte pjesë, duke u bërë thirrje ndërmjetësve që të bindin Izraelin që të pajtohet me propozimin e përditësuar – që grupi paraqiti në fillim të korrikut.
“Kryeministri Benjamin Netanyahu u përgjigj duke paraqitur një sërë kërkesash të reja që Hamasi i ka refuzuar”, thanë zyrtarët izraelitë dhe amerikanë.
Blinken i kërkoi ministrit të Jashtëm turk Hakan Fidan që të nxiste Hamasit për të marrë pjesë në takimin e së enjtes.
Zyrtarët e Hamasit banojnë rregullisht në Turqi dhe presidenti i vendit ka një marrëdhënie të ngrohtë me udhëheqjen e organizatës politike dhe ushtarake islamike palestineze sunite “Hamas”.
