SpaceX i Elon Musk lëshoi një raketë Falcon Heavy me një ngarkesë satelitësh nga Qendra Hapësinore Kennedy të dielën pasi iu desh të ndërpresë misionin ditë më parë.
Raketa me dy faza, e ngarkuar me satelitin e internetit ViaSat-3 Americas, si dhe me satelitët e Astranis dhe Gravity Space ishte planifikuar të nisej të premten në mbrëmje, por misioni u ndërpre me më pak se një minutë të mbetur në numërimin mbrapsht.
Stuhitë e forta të enjten fillimisht e kishin shtyrë nisjen deri të premten.
Liftoff! pic.twitter.com/EQMJRunDXH
— SpaceX (@SpaceX) May 1, 2023
Të dielën, raketa u nis në orën 20:26 nga baza historike 39A në Stacionin Hapësinor Kennedy në Florida pas një ore vonesë për shkak të erërave tokësore.
Sateliti ViaSat-3 Americas është pjesë e rrjetit të tij që kërkon të ofrojë internet satelitor në mbarë botën dhe është një konkurrent i plejadës satelitore të Internetit Starlink të SpaceX.
