Reforma jopopullore e pensioneve në Francë, me masën e saj kryesore rritjen e moshës së pensionit në 64 vjeç, u shpall sot në Fletoren Zyrtare, pas miratimit të pjesës më të madhe të tekstit nga Këshilli Kushtetues.
Pas vendimit të Këshillit Kushtetues, sindikatat i kishin kërkuar presidentit francez Emmanuel Macron që të mos shpallte ligjin.
Një kërkesë praktikisht e vdekur, pasi Macron kundërshtoi përfundimin e papranueshmërisë.
Presidenti francez kishte 15 ditë kohë pas vlefshmërisë së shumicës së masave reformuese të premten nga Këshilli Kushtetues për të vendosur nënshkrimin e tij, duke i dhënë kështu fuqinë e ligjit.
“Ndryshohet kështu Kodi i Sigurimeve Shoqërore (…) Në paragrafin e parë fjala: + gjashtëdhjetë e dy + zëvendësohet me fjalën: + gjashtëdhjetë e katër +”, thuhet në tekst.
“Nuk ka fitues apo humbës”, siguroi kryeministrja Elisabeth Borne, duke iu referuar “fundit të rrugëtimit institucional dhe demokratik” të tekstit të miratuar në parlament, pas përdorimit të nenit 49 pika 3, një nen i diskutueshëm nga kushtetuta franceze që lejon që një projektligj të miratohet pa votim.
“Nuk ka mbaruar”, premtuan si përgjigje sindikatat.
Këshilli Kushtetues ka njohur natyrën e pazakontë të akumulimit të procedurave që synojnë kufizimin e debateve në Parlament.
