Anëtarët e këshillit të bashkisë Vlorë kërkojnë mbledhje jashtë radhe të këshillit të bashkisë.
Arsyeja lidhet me një ballafaqim mes kreut të bashkisë Vlorë Dritan Leli dhe kryeministrit Edi Rama, ku kërkohet prezenca e këtij të fundit.
Në shkresën më poshtë këshilltarët kërkojnë këtë ballafaqim për shkak të gjendjes të shërbimeve vendore, si pastrimi, mirëmbajtja, ndriçimi i qytetit etj.
Kujtojmë se mes kryeministri Edi Rama dhe kryetarit të Bashkisë së Vlorës, Dritan Leli ka pasur përplasje të vazhdueshme.
Këto përplasje u tensionuan akoma më shumë vetëm pak javë para zgjedhjeve të 25 prillit, ku u raportua se pati një debat të ashpër mes Ramës dhe Lelit.
Përplasja u tha se erdhi pas refuzimit nga ana e Lelit, të propozimit të Ramës për të lënë mandatin e kryebashkiakut dhe përfshirjes së tij në listën e kanidatëve për deputet.
