Presidentja Vjosa Osmani ka ftuar sot për konsultim partitë politike për të caktuar datën e mbajtjes së zgjedhjeve lokale.
Përveç AAK-së e cila ka konfirmuar se do të marrë pjesë në këtë takim në orën 17:00, një gjë të tillë e ka konfirmuar edhe Lëvizja Vetëvendosje.
Kështu ka thënë për Telegrafin, Arlind Manxhuka, drejtues i zyrës për media dhe komunikim në këtë parti.
“Po ne do të marrim pjesë”, ka thënë shkurt Manxhuka. Ky takim siç mëson Telegrafi do të zhvillohet në orën 13:00.
Sipas Ligjit për zgjedhjet lokale, sipas kompetencave të Presidentit të Kosovës të përcaktuara me Kushtetutë, vendimi për të caktuar datën e zgjedhjeve bëhet jo më vonë se katër muaj dhe jo më herët se gjashtë muaj, para datës së zgjedhjeve.
Zgjedhjet nuk mund të mbahen më herët se 60 ditë para përfundimit të mandatit dhe jo më vonë se 30 ditë pas përfundimit të mandatit
