Autoritetet në Arabinë Saudite e mbrojtën vendimin e tyre për të ulur zërin e altoparlantëve në xhami.
Ministria e Çështjeve Islame njoftoi javën e kaluar se të gjithë altoparlantët duhet të lëshojnë vetëm një të tretën e zërit të tyre.
Ministri Abdullatif al-Sheikh tha se masa është marrë në përgjigje të ankesave të publikut.
Por, ajo shkaktoi reagim të ashpër në media sociale dhe thirrje të disave që të ndalohet muzika e lartë në restorante dhe kafene.
Duke folur në një video të transmetuar nga televizioni shtetëror, Sheikh tha se ata që duan të falen, nuk kanë nevojë të presin ezanin e imamit.
Ai tha se njerëzit që e kritikojnë vendimin, janë “armiq të mbretërisë” dhe “duan të trazojnë opinionin publik”.
Kufizimet vijnë në kohën kur princi i kurorës i Arabisë Saudite, Mohammed bin Salman, po vazhdon përpjekjet për ta bërë këtë vend më liberal dhe për të zvogëluar rolin që luan feja në jetën publike.
Grave saudite, për shembull, u është lejuar të vozisin makinën.
