Sekretari Amerikan i Shtetit, Anthony Blinken, gjatë një vizite në Danimarkë, është ndalur tek situata e trazuar mes Izraelit dhe Palestinës.
Blinken u ka bërë thirrje palëve që të mbrojnë civilët, sidomos fëmijët, ndërsa shtoi se Izraeli, si një vend me demokraci më të shëndetshme, ka një barrë shtesë për të siguruar mbrojtjen e tyre.
“Ne do të bëjmë një diplomaci intensive për t’i dhënë fund këtij cikli aktual të dhunë. Jemi të gatshëm për mbështetje nëse palët kërkojnë një armëpushim”, u shpreh Blinken.
Kujtojmë se në Gaza, dhuna nga të dyja palët, Izraeli dhe Hamasi është përshkallëzuar dhe nga sulmet e të dyja palëve janë shënuar viktima.
